आजचा एक क्षण देखील आहे
संपत चाललेल्या अश्रूंना आता
वाली कुठलासा कण देखील आहे
मात्रा सगळ्या सरताना अलगद
संपत्या एका रात्रीची कथा
समेवर येत्या माझ्या तानेला
बोचऱ्या आलापीची वेडी व्यथा
रचले नवे मनोरे काही
काही हवेल्या ही उभारल्या आहेत
इवल्याशा यशाच्या आशेने
आकांक्षा फ़ारच पुढारल्या आहेत
तडीपार विवेकाला केला आता
भावनेचेच इथे सारे राज्य आहे
गुणाकार आयुष्याचा मांडून ठेवला
आणि सुखच इथे भाज्य आहे
घट्ट "काल" धरला होता
उद्या नवा मी बघते आहे
ठिसूळ काचांच्या पायावरती
मजले बांधू धजते आहे
सावरलेले मन माझे हळवे
अन फ़ास त्याच्या जोडीचे
एक हसावी एक रडावी पापणी
विरोधाभास तसेच त्या तोडीचे
संहिता
Posts
